عيون أوغاريت

Updated: Sep 26

عيونك وضو الشمس

وآخر رمق بالليل

بلحظة مر الأمس

وصارت جبهتو ديل

وبإدني تهمس همس

إنو كواها الويل

وإنو طواها الليل

ياريتو يبقى بعد

ضوو لنجم سهيل

...

عيونك وضو النجم

وآخر رمق ياويل

وبتضل تضوي عشق

نجومك إذا سباها الليل

جعلو يبلى العشق..

جعلو يبلى العشق بغيمة حزينة

وعواميد باطون للزينة

إذا أخدها السيل

....

إذا ماضلت عيونك منارة بقلب المدينة

لشو انخلق السهر بالليل؟

وإذا موبحضرة عيونك طلعنا النجم

لشو بضوو غزلنا الحلم؟

ولشو حتى لنكتب قصيدة؟

ولشو غنت عصافير عا زمن جدي

"يا عين ياليل!"؟

...

رامي الابراهيم ©

في 20 أيلول 2020


29 views

Sign up for news and updates

from Rami Ibrahim

© 2020 RAMI IBRAHIM  

  • Twitter
  • Black Facebook Icon
  • Black Instagram Icon
0