اسمي أوغاريت 𐎌𐎎𐎊𐎟 𐎜𐎂𐎗𐎚

كتبتو لاسمك عالشجر، نبتت وراقا وطلع منها الثمر

كتبتو لاسمك عالشجر، طلعت فواكي مارأى متلا بشر

كتبتو لاسمك عالشجر، طلعت فواكي للأكل مو للنظر

كتبتو لاسمك عالشجر، نبتت غصون وزرايع عا مد البصر

...

كتبتو لاسمك عالحجر، ويا عين تشوف الدمع لما انهمر

كتبتو لاسمك عالحجر، وصرت قطف أغاني وأحصد عبر

...

كتبتو لاسمك علوح ورميتو بالبحر وصارت الدنيا تشتي درر

كتبتو لاسمك عاضو الشمس صار يغار منا القمر

كتبتو لاسمك عباب الدار صار معلم حضاري للبشر

كتبتو لاسمك عجبين الصبح ولأول مرة الليل بيمل السهر

كتبتو لاسمك عاضو القمر رقصت نجوم وهوي انبهر

كتبتو لاسمك بالحقول طلع الحشيش ونبت فيا الزهر

كتبتو لاسمك عا طريق فرعي ظغير حتى البلدي تتعمر

كتبتو لاسمك عا إبرة مخدر ماضل معنى للخدر

كتبتو لاسمك عاجناح الطير معد هدا وماعد صادو بشر

كتبتو لاسمك عاخشب أرز وصنوبر و يولو شو صار بباقي الشجر

كتبتو لاسمك عا قنينة عرق طار العقل وطاب وقتا السكر

كتبتو لاسمك عاقنينة عرق اسكرت بشوفتو من دون السكر

كتبتو لاسمك عحيط البيت التأمت شقوقو وارتص الحجر

كتبتو لاسمك عالرقيم وبالرقم ولولا شوي الورق انتحر

كتبتو لاسمك عاشغاف قلبي صار الدم يخدق متل النهر

وشمتو لاسمك عموقع نت والوشم مدري حروف مدري صور

...

رامي الابراهيم ©

الرقيم الطيني والنقش :من أعمال حسن أحمد شحادة

الصورة : حسن أحمد شحادة